Ўзбек
Surah At-Tariq ( The Night-Comer ) - Aya count 17
بِسْمِ اللَّهِ الرَّحْمَٰنِ الرَّحِيمِ
Меҳрибон ва раҳмли Аллоҳнинг номи билан бошлайман. (Аллоҳ таоло ўз китобини "бисмиллаҳ" билан бошлагани мусулмонларга ҳам ўрнак, улар ҳам доим ўз сўзларини ва ишларини "бисмиллаҳ" билан бошламоқлари лозим. Пайғамбар алайҳиссалом ҳадисларидан бирида: "Эътиборли ҳар бир иш "бисмиллаҳ" билан бошланмас экан, унинг охири кесикдир", деганлар. Яъни, баракаси бўлмайди, охирига етмайди.)
وَالسَّمَاءِ وَالطَّارِقِ
( 1 ) 
Осмон билан қасам ва ториқ билан қасам.
وَمَا أَدْرَاكَ مَا الطَّارِقُ
( 2 ) Ториқ нималигини сенга не билдирди?
النَّجْمُ الثَّاقِبُ
( 3 ) У нур сочиб турувчи юлдуздир.
إِن كُلُّ نَفْسٍ لَّمَّا عَلَيْهَا حَافِظٌ
( 4 ) Ҳеч бир жон йўқки, унинг ҳифз қилиб турувчиси бўлмаса.
فَلْيَنظُرِ الْإِنسَانُ مِمَّ خُلِقَ
( 5 ) Инсон нимадан яралганига назар солсин.
خُلِقَ مِن مَّاءٍ دَافِقٍ
( 6 ) У отилиб чиқувчи сувдан яратилгандир.
يَخْرُجُ مِن بَيْنِ الصُّلْبِ وَالتَّرَائِبِ
( 7 ) У (сув) сулб (умуртқа) ва тароиб (кўкрак суяги) орасидан чиқадир.
إِنَّهُ عَلَىٰ رَجْعِهِ لَقَادِرٌ
( 8 ) Албатта У зот уни қайта тирилтиришга қодирдир.
يَوْمَ تُبْلَى السَّرَائِرُ
( 9 ) Сирлар фош бўладиган кундадир.
فَمَا لَهُ مِن قُوَّةٍ وَلَا نَاصِرٍ
( 10 ) Бас, (ўшанда) у(инсон)да қувват ҳам, нусрат берувчи ҳам бўлмайдир.
وَالسَّمَاءِ ذَاتِ الرَّجْعِ
( 11 ) Қайтувчи (ёмғир) соҳиби бўлган осмон билан қасам.
وَالْأَرْضِ ذَاتِ الصَّدْعِ
( 12 ) Ёриб чиқувчи эгаси бўлган ер билан қасам.
إِنَّهُ لَقَوْلٌ فَصْلٌ
( 13 ) Албатта у(Қуръон) ажратувчи сўздир.
وَمَا هُوَ بِالْهَزْلِ
( 14 ) Ва у ҳазил эмасдир.
إِنَّهُمْ يَكِيدُونَ كَيْدًا
( 15 ) Албатта улар ҳийла-найранг қиларлар.
وَأَكِيدُ كَيْدًا
( 16 ) Ва Мен ҳам ҳийла қилурман. (Яъни, ҳийласига яраша жазо берурман.)
فَمَهِّلِ الْكَافِرِينَ أَمْهِلْهُمْ رُوَيْدًا
( 17 ) Муҳлат бер кофирларга, уларга озгина муҳлат бер. (Яъни, уларга азоб келмаётганидан шошилма, ҳаммасининг вақти, соати бор.)
![LANG[title]](style/islamic/css/images/logo.png){kind=logo}
